February 10th, 2012
E Mëttwoch war ech mam Claude Bintz vu “Crossroads” am “20 vir” beim Monica op RTL. Mir hunn do “Haddocks and French Kisses” an “Second chance” presentéiert a Reklam fir eis Release Parties gemaach. Fir all déi, déi d’Emissioun verpasst hunn, iewer trotzdeem wollte virwëtzen: hei am Replay kann een se ëmmer nach eng Kéier kucken. Ëmmerhin gëtt ee gewuer, wat dann elo wierklech ee “Winklepicker” ass.
Sou, an elo gëtt et Eeescht! Haut ass dien éischte Gig am Sang a Klang. E ganzt liicht Zéien an de Fanger an och an der Mogéigend spieren ech schonns. Et wäert dach net d’Opreegung sinn…?
Kuckt hei “20 vir” op RTL am Replay
Iwweregens si mir haut Tipp vum Dag an der Wort-Agenda. Villmools merci dem Sabrina Homann fir de Post
An am Tageblatt kënnt dir dien neien CD gewannen
Posted in Publikatiounen, Musik | No Comments »
February 7th, 2012
E Freideg an e Samschdeg presentéiere mir eisen neien “Winklepickers-CD” am Gronn an zu Veianen.
E Mëttwoch sinn ech zesumme mat Bintze Claude vun Crossroads um “20vir” op RTL.
Dono um 20.00 Auer op Radio ARA am Juke Joint an e Freideg um 100,7.
Da misst jo jidderee Bescheed wëssen:-)…
Hei ass Juke Joint fir all déi dës Emissioun nach net kennen.
Posted in Musik | No Comments »
February 6th, 2012
Muedebëtzeg, dat neit Buch fir Erwuessener ass elo vum Buchbënner zréck a kënnt deemno dës Woch nach eraus. Dat ass gutt: esou kann ech et mat op d’Releasepartien huelen an et ass och op Vältesdag prett.
Posted in Publikatiounen, Bicher | No Comments »
February 2nd, 2012
No der Fuesvakanz geet et weider mat enger Rei Liesungen an de Schoulen:
1.3.: Schoul beim Tëtelbierg Lamadelaine - 3. Zikel (Zu Lëtzebuerg ginn et keng Piratekapitänen)
8.3.: Mäertert Centre culturel - 3. Zikel (Zu Lëtzebuerg ginn et keng Piratekapitänen)
28.3.: Schoul um Kemel Wëntger - 4. Zikel (Den décken dommen Dudu, Mango Panda)
Ech freeë mech!
Posted in Bicher | No Comments »
February 2nd, 2012
Posted in Publikatiounen, Musik | No Comments »
January 31st, 2012
Gëschter gouf dien neien CD “Haddocks and French Kisses” geliwwert. Dir kënnt en elo direkt hei bestellen.
An de Claude “Sibi” Sibenaler huet och de Video op youtube gesat: “Willie and the handjive” weist d’Winklepickers als Lëtzebueregr Kultband. Musst dir onbedingt kucken!
Hei kënnt dir die neien CD bestellen
Hei kënnt dir de Video kucken
An hei geet et op de Site vun de Winklepickers
Posted in Publikatiounen, Musik | No Comments »
January 29th, 2012
Ech hunn iech e puer Beispiller vu Bicher, déi ech mat Klasse geschriwwen hunn, hei op d’Säit gesat. Dës Bicher goufe vun de Kanner selwer geschriwwen am Kader vun Kreativt-Schreiwen Atelieren.
Hei fand dir déi Bicher
Mail mir wann dir och esou Projet mat de Kanner plangt
Posted in Publikatiounen, Bicher | No Comments »
January 27th, 2012
Ok, ok, aktuell ass et net. Mee ech sinn an der leschter Zäit e puermol no dësem Stéck gefrot ginn. Also hei ass et, hei kënnt dir et liesen oder och spillen, kee Problem.
Dëst ass d’Originalversioun, mat enger Rei ganz intensiven Szenen, déi ee beréieren an och weisen wat wierklech hanner dem Stéck stécht. An den Opféierungen waren se dunn net méi dobäi. Dat war Schued.
Fusion - hei kënnt dir et liesen
Posted in Theater | No Comments »
January 26th, 2012
Mat grousser Freed hunn ech de Moien an der “Theaterzeitung” gelies, datt “Traffo_CaréRotondes” zesumme mat der Inecc an e puer Lycéen eng “multidisziplinär Opféierung mat Theater, Danz, Musik an Zirkus” produzéiert. Dat ass genee dat, wat mir am Holzwuerm elo schonns zanter bal 20 Joer an an der Theaterschoul zanter 4 Joer propagéieren a praktizéieren: fir datt all Kand oder Jugendlechen “seng Roll” fannen a spille kann, muss d’Offer, déi mir him maachen, grouss sinn. Duerch d’Verbannen vun dësen Disziplinen ass mat Sécherheet fir jiddereen eppes derbäi. Ech drécken d’Deimercher fir dëse Projet!
Hei de Site vun Traffo
Hei de Site vum Holzwuerm
Hei ass de Manifest vun der Theaterschoul, dien d’Wichtegkeet vum Verbannen vun den Disziplinen am Schoultheaterberäich duerstellt. Et ass eng Spezialnummer vum Courrier de l’Éducation nationale.
Posted in Theater | No Comments »
January 25th, 2012
Ganz gutt Noriichten deemno vun “Op der Lay”: fir de 14.2. soll dat neit Buch fäerdeg sinn an an de Butteker leien. Ech hunn et an diene leschten Deeg och nach zweemol gelies, an ech si gespaant, wéi et ukënnt. Jiddereen, dien et bis elo gelies huet, ass vun diem Text beréiert ginn. Dat hängt bestëmmt un den Themen, déi behandelt ginn, mee iewer och un der Aart a Weis, wéi d’Buch verzielt gëtt.
Hei kënnt dir et bestellen.
Posted in Publikatiounen, Bicher | No Comments »
