ID-Die 6 Räuber
Mat grousser Freed hunn ech de Moien an der “Theaterzeitung” gelies, datt “Traffo_CaréRotondes” zesumme mat der Inecc an e puer Lycéen eng “multidisziplinär Opféierung mat Theater, Danz, Musik an Zirkus” produzéiert. Dat ass genee dat, wat mir am Holzwuerm elo schonns zanter bal 20 Joer an an der Theaterschoul zanter 4 Joer propagéieren a praktizéieren: fir datt all Kand oder Jugendlechen “seng Roll” fannen a spille kann, muss d’Offer, déi mir him maachen, grouss sinn. Duerch d’Verbannen vun dësen Disziplinen ass mat Sécherheet fir jiddereen eppes derbäi. Ech drécken d’Deimercher fir dëse Projet!