Roland-Meyer.lu

Et gëtt esou lues Eescht! Nach zwou Prouwen zu Pëtten bei Miersch, an da plënnere mir fir d’Generalprouwen op Maarnech an de Cube. De Carlo Muller, zesumme mat senger Equipe, huet d’Bühn elo esou gutt ewéi fäerdeg an et fänkt u spannend ze ginn.

Mir sinn am Tunnel, kënne net méi soen, ob mir “Drôle de guerre”, de Programm 2014, solle gutt fannen, dofir hu mir elo ze laang geprouft, an d’Iwwersiicht verluer… an all freeë mir eis op freides, de 7.11., den Dag vun der Première.

www.stenkdeier.lu

Am DCK2/2014 huet de Gilles Wunsch en Artikel iwwer mech publizéiert, dien der Wouerecht ganz no kënnt: vill Biografie, vill Literatur, vill Musik, vill Theater a Kabaret. An dann dem Gilles säi ganz besonnesche Stil, ëmmer dann, wann hien iwwer d’Éisleck schreift.

Hei kënnt dir den Artikel “Konstemer Blues” liesen.

Um 20.00 Auer ass déi zweetlescht Statioun vun eisem Roughmix-Tour. Wéi ëmmer mat dobäi “Just Friends”, de Mulles Scholtes, de Luc Hoffmann an de Jang Steffen.

Weider Informatioune gëtt et hei.

Wann dir fir Roughmix wëllt voten, da geet dat hei.

Roughmix ass nominéiert fir de Lëtzebuerger Buchpräis; dat ass gutt!
Mee elo musse mir fir d’Buch stëmmen, oder “voten”, wéi et esou schéin heescht.

Hei kennt dir dat maachen.

Hei ass de Reprtage op RTL iwwer d’Buch.

Dat war de Moien emol esou eng richteg schéin Noriicht: “Roughmix” ass ënner diene 4 leschte Bicher, déi et op d’Shortlist vum Lëtzebuerger Buchpräis gepakt hunn. Doriwwer hunn ech mech zerguddst gefreet! Een décke Merci dem Jury fir dës richteg gutt intelligent (;-)) Entscheedung!

Hei weider Informatiounen iwwer de Buchpräis, d’Aart a Weis wéi Dir elo ofstëmme kënnt an all d’Bicher, déi nominéiert sinn:

D’Lëtzebuerger Bicherediteuren

RTL

Wort

Op der Lay

Scho ganz vill Leit hunn d’Roughmix-Liesung gesinn. Déi zweetlescht Méiglechkeet gëtt et elo de 24.10. um 20.00 Auer zu Woltz am Prabelli. Wéi ëmmer mat dobäi: “Just Friends”, de Mulles Scholtes, de Luc Hoffmann an de Jang Steffen. Ech freeë mech!

Hei nach Infoen aus éischter Hand.

Haut den Owend nees mat “Just Friends”: Mulles Scholtes, Luc Hoffmann a Jang Steffen, dien sech extra eng Genemegung gefrot huet, fir de Gong op de 5. Stack am Cercle Cité “Salle Henri Beck” ze kréien. Lass geet et um 18.30 Auer an ech freeë mech schonn.

Informatiounen gëtt hei

Dës Kéier an der Staadt am Cercle Cité “Salle Henri Beck” (um 5. Stack)
Dënschdes, de 7.10. um 18.30 geet de Lies-Tour weider. Zesumme mat “Just Friends” liesen ech aus Roughmix, diem neie Roman, eng Rei “Tracks” déi de Mulles Scholtes, de Luc Hoffmann an de Jang Steffen musikalesch begleeden.

Hei d’Infoen

D’FGIL an de SEW/OGBL feieren den Owend um 19.00 Auer an der Brasserie Neimënster an der Staadt. Ech liesen dien een oder aneren Extrait aus dem “Zickelalarm” an e puer Tracks aus “Roughmix” vir. D’musikalesch Begleedung ass dës Kéier den Duo Paul Klein.

Hei e klengen “Zickelalarm-Extrait”

Haut um 19.30 Auer si mir zu Veinen mat dem Liestour aus Roughmix. De Mulles Scholtes, de Luc Hoffmann an de Jang Steffen sin “Just Friends”, an ech freeë mech besonnesch op den Extrait aus dem Buch, dien am Ancien Cinéma spillt.

Weider Infoe gëtt et hei: http://www.anciencinema.lu