Den Owend um 18.30 Auer liesen ech aus “Muedebëtzeg” um 5. Stack am Auditoire Henry Beck am Cercle.
Musikalesch begleed ginn ech vum Mulles Scholtes, Luc Hoffmann a Jang Steffen. Si nennnen sech “Just Friends”, wëll hinne kee bessere Numm agefall ass a wëll et stëmmt a si spillen Stécker haaptsächlech aus den 30er Joeren.
Muedebëtzeg ass op der “Shortlist” fir de Lëtzebuerger Buchpräis. D’Lieser entscheeden elo wien d’Renne mécht.
De Claude “Sibi” Sibenaler presentéiert hei den neien Trailer vun “Eng hallef Millioun Expären”.
Première sinn dacks zéi wéi Schungsuelen. D’Acteuere sinn onsécher, d’Leit ginn et och, an esou entsteet eng Spiral, an herno ass jidderee frou, wann et eriwwer ass.
Gëschter op der Première vun “Eng hallef Millioun Expären” war et iewer ganz anescht. Vun Ufank un ass de Fonken zwëschen den Acteuren an dem Publikum iwwergesprongen, d’Stëmmung war gutt, d’Leit hu sech ameséiert, nogelauschtert, matgeduecht… d’Onsécherheeten hu sech a Grenze gehal; verschidde Stécker waren esouguer schonns bal perfekt.
An all diene Joeren hunn ech nach keng esou flott Première erlieft. Ee grousse Merci un de Publikum, dien eis gedroen an ënnerstëtzt huet!
Ja, dat ass eng gutt Noriicht! “Muedebëtzeg” geet elo an d’Rennen fir de Lëtzebuerger Buchpräis! Een décke MERCI un d’Jury fir dës gutt Entscheedung 
!
Elo kënnt Dir hëllefen, andeems Dir Är Stëmm fir mäi Buch ofgitt. Dat kënnt Dir an diene nächsten Deeg op www.bicherdeeg.lu maachen.
An hei den Artikel am Tageblatt
A fir komplett ze sinn, hei och nach den Dossier vun den Editeuren.
De 6. Januar hu mir ugefaangen de Programm ze schreiwen. De 9. September sinn d’Prouwen ugaangen. An haut endlech geet et lass. Mir all freeën eis fir gewuer ze ginn, ob et Iech och dëst Joer nees gefällt.
Haut um 17.20 Auer a mar um 8.35 Auer kënnt Dir en Interview vum Gilles Wünsch mat mir héieren, wou mir e bëssen iwwer d’Politik, d’Regierung, d’Gesellschaft, d’Krise, d’Roll vum Kabaret a virun allem iwwer d’”Expäre” schwätzen.
Mar de Moien géint 8.30 Auer gëtt den neie Programm vum “Kabaret Sténkdéier” op RTL vum Michelle Reiter virgestallt. Gëschter war si bei eis an der zweetleschter Prouf a mar kënnt Dir déi éischt Andréck vum neie Programm um Radio lauschteren.
Hei kënnt Dir de Reportage iwwer den neie Programm lauschteren
Geschwë gëtt et och déi nei Fotoen vum Claude “Sibi” Sibenaler an net ze vergiessen eisen “Trailer”, dien Dir dann nees kënnt op Youtube gesinn. Also nach e bësse Gedold, an Dir wësst jo … nach zwee Deg, dann ass d’Première.
Hei geet et op de Site vum “Kabaret Sténkdéier”
Hei kënnt dir Billetë wanne fir an de “Kabaret Sténkdéier” 2012: “Eng hallef Millioun Expäre” kucken ze kommen.
Méindes, de 16.10. an der Cité Bibliothéik Lëtzebuerg / Mardis littéraires, um 18.30 Auer, zesumme mat de Musiker: Mulles Scholtes, Luc Hoffmann a Jang Steffen geet et lass. Dës Liesung ass déi éischt Renconter mam Buch, dat nees ganz gutt op der nationaler Bestsellerlëscht steet, no dem Summer. Ech si gespaant, wéi et sech no esou laanger Zäit ufillt, a freeë mech, fir draus virzeliesen.
An hei nach weider Liesungen iwwer den Hiescht:
22.10.: “Muedebëtzeg” - H2O Obercorn-Differdange / Lundis littéraires - 20.00 Auer - zesumme mat de Musiker: Mulles Scholtes, Luc Hoffmann a Jang Steffen
9.11.: “Muedebëtzeg” - Prabbeli - Wiltz - 20.00 Auer - zesumme mat de Musiker: Mulles Scholtes, Luc Hoffmann a Jang Steffen
22.11.: “Zu Lëtzebuerg ginn et keng Piratekapitänen”; Piratekapitänen, Couscous a Goldfësch - fir Kanner - Bibliothèque Tony Bourg Troisvierges / Cube op Rieder - 16.00 Auer
