Archive for the 'Theater' Category

Ee bal vergiessenen Interview

Friday, December 2nd, 2016

Den JJ, de Jérôme Janimet, dierft eis mëttlerweil all bekannt sinn als Book Looker op Eldoradio an an den onendleche Welte vum digitalen Universum. Dacks kontestéiert, fannen ech seng Aart a Weis iewer erfrëschend, lieweg, naïv an dowéinst gutt a wënschen him e laangen Otem an déi néideg Déckhaut, fir bäizehalen.

Hie war am Summer bei mech op Consthum komm, fir mech ze interviewen, an dobei sinn dës zwee Youtube-Klippen erauskomm, déi ech elo just zréckentdeckt hunn an déi ech ganz lëschteg fannen:

1. Klipp: et geet em de Kabaret an em meng Aart a Weis fir ze schaffen

2. Klipp: meng Summerléift Kate Tempest an d’Feststellung, datt ech zu menger Schan ëmmer nach net wees, firwat ech verschidde Saachen a mengem Liewe maachen.

D’Youtube-Filmer vum Zikelalarm II sinn elo do

Wednesday, February 3rd, 2016

Een décke Merci dem Claude Sibi Sibenaler an dem Perry Poos fir hier vill Aarbecht. Zu Miersch am Kulturhaus, den 19.1.2016 sinn d’Opnahme gemaach ginn.

Hei kënnt dir se kucken:

Zikelalarm II: De Wocheplang

Zikelalarm II: De Schraufstack, een Albdram

Zikelalarm II: De Beroder

Zikelalarm II: D’Zikelversammlung

Zikelalarm II: D’Sprangstonn

Vill Spass!

An ëmmer nees de “Generolverdacht”…

Saturday, December 26th, 2015

“Klamm bei kee Friemen an den Auto!” - “Maach kengem d’Hausdier op, dien s de net kenns!” - “Huel keng Séissegkeeten vun engem Onbekannten!”

Wat fir verpasste Chancen!

Sécherheetsdenken…

Servais-Schierbelen

Wednesday, July 8th, 2015

Ech hunn hei emol e ganze Koup Linken zesummegestallt, déi eppes mam Servais-Präis ze dinn hunn.

Als Iwwerbléck, esouzesoen, als Presserevue; alles wat ech esou gesot hunn, alles wat gesot gouf an och alles wat soss nach ze liesen an ze kucke war…

RTL

nach eng Kéier RTL

an nach eng Kéier RTL

Wort

nach eng Kéier Wort

an nach eng Kéier Wort

Tageblatt

an Tageblatt

an nach eng Kéier Tageblatt

L’essentiel

an nach eng Kéier L’essentiel

Le jeudi

Le quotidien

Do soll dach elo kee meckeren ;-)
Dat war eng schéin Zäit, mee wéi seet mäi Kolleg Remy ëmmer: alt weider mam Jabel!

De „Lëtzebuerger Theater“ spillt: Revue 2015 „Ramba T‘Samba“

Tuesday, March 31st, 2015

Och dëst Joer mat diem engen oder aneren Text dobei. Hei de Pressetext vun der Equipe vun der Revue 2015:

“Let’s get ready to Ramba! Nom Motto „Neit Féiwer“ ziort ass dëst Joër richtegen „Ramba T’Samba“ ugesot. D’Revue 2015 steet dann och, op t’mannst wat dat Musikalescht ubelaangt, ganz am Zeechen vu flotten Samba-Rythmen.

D’Auteuren vun der Revue 2015 Romey (Roland Meyer), Wagu (Guy Wagner), Jochri (Jos Christen), Marquis (Marc Weidert), Muje (Jean-Claude Muller), Patkay (Patrick Kayser) an ZoGa (Zoltan Gaetti), zesummen mat de „Revue All Star Band“ Leaderen Heng Kleren a Robi Arend  a mat de Choréographen Cathy Moes a Li Marteling hun Iech och dëst Joër erëm een flotten Cocktail vu Sketcher, Lidder an Danz zesummegemixt, bei deem keen A vu Laachen drëche bleift.

D’Régie lait wéi gewinnt an den Hänn vum Zoltan Gaetti.

Wat ass lass mat eiser neier Gambia-Regierung? Wat geschitt dann elo mat eisem Land? Dëst sin nëmmen 2 vun de Froën, ob déi dir bei där neier Editioun vun der Revue vum „Lëtzebuerger Theater“ ganz bestëmmt eng Äntwert wärt kréien. An esou munech Politiker léisst sech et net huelen, ob ee Patt beim Dilli a beim Rolli eran ze sprangen wann d‘Hochzäit am Zerkel bevirsteet. Schlëmmer geet ëmmer, därs si sech eise Premier mat eisem Vizepremier an eisem Äerzi no deenen dach ziemlech brüsk gefouerten Gespréicher iwwert d‘Trennung vu Kierch a Staat séier bewosst, och wann eisen Haff sech muss mam „Crépuscule“ beschäftegen? Nee, nee, keng Angscht, d‘Monarchie geet nach net ënner. A wann d’Astrid an déi 2 bekannteste Jacques’en aus eiser Politik no engem Begriefnis beim Patt iwwert déi fréier, dach vill besser Zaiten an der lëtzebuerger Politik philosofféieren a klaatschen an traatschen, da frees de dech duerno och bestëmmt: Firwat reegs de dech dann op? A spéitstens bei enger neier Editioun vum Ronndëschgespréich ass de Ramba T’Samba ënnert eise léiwe Politiker komplett, soudass souguer de Juncker no der Luxleaks-Affär zu Bréissel ëm Rot beim Manneken Pis freet…

Première ass den 3. Abrëll am Groussen Theater an der Stad. Weider Virstellungen sin nach vum 4. bis den 19. Abrëll am Groussen Theater, ausser Ouschtersondeg, an ausser dem 13. a 14. Abrëll.

Gespillt gëtt nieft dem Groussen Theater an der Stad wéi all Joër am CAPE zu Ettelbréck vum 22. bis de 26. Abrëll, am Aale Stadhaus zu Déifferdéng vum 13. bis de 16. Mee, an am Escher Theater vum 18. bis den 22. Mee.

Dir gesidd op der Bühn d‘Equipe vum „Lëtzebuerger Theater“ mam Martine Haubrich, Dana Zangerlé, Tania Schaeffer, Stéphanie Welbes, Will Aust, Marc Camy, Ricardo Vieira, Raoul Albonetti a Jean-Claude Muller, a mat der Partizipatioun vu Sambrasil

Regie: Zoltan Gaetti

Musik: Heng Kleren a Robi Arend

Scenographie: Sophie Maurer

Inspizienz: Josée Conrardy

Choreographie: Li Marteling a Cathy Moes

Beliichtung : Mike Felten

Stage-Crew : Marc Bohnert a Gilles Konsbrück

Video: Melting Pol

Kostümer: Carine Ceglarski

Coiffure a Maquillage: Coiffure et Beauté By Tun”

Hei gëtt et weider Informatiounen…

Scho laang näischt méi “gepoust”

Monday, March 16th, 2015

Schwiereg Zäite brauchen extra Weeër fir derduerch ze kommen.

Lues a lues gesinn ech op en Enn.

Als nächst geet et weider mam Zikelalarm II a mat enger Rei Schoulliesungen.

Bicher sinn am Moment keng geplangt, wëll ech de Kapp net dofir hunn, mee den Text vum Zikelalarm I gëtt elo geschwë publizéiert.

Ech denken och ëmmer nees méi kräfteg iwwer Musik-maachen no, och wann de Paul eis verlooss huet, an dat alles net esou kloer ass. Hie feelt vir an hannen a bei all Projet, iwwer dien een nodenkt, kënnt ee fréier oder spéider op de Punkt, wou de Paul virun engem opdaucht… an iewer!

Nach e bësse Gedold, eng oder zwou Wochen, da weess ech méi!

Den Artikel am DCK vum Gilles Wunsch

Friday, October 24th, 2014

Am DCK2/2014 huet de Gilles Wunsch en Artikel iwwer mech publizéiert, dien der Wouerecht ganz no kënnt: vill Biografie, vill Literatur, vill Musik, vill Theater a Kabaret. An dann dem Gilles säi ganz besonnesche Stil, ëmmer dann, wann hien iwwer d’Éisleck schreift.

Hei kënnt dir den Artikel “Konstemer Blues” liesen.

Dëst ass eng Duerchso fir all déi Leit, déi eppes mat der Grondschoul ze dinn hunn…

Friday, July 11th, 2014

… déi aner kënnen se ignoréieren ;-)

Zesumme mam IFC organiséiert d’Theaterschoul 2015 eng Formatioun,
- déi prioritär ass
- 16 (zertifizéiert) Stonnen zu Biereng/Miersch bitt
- an eng Begleedung vun Ärem (Schoultheater-)Projet an Ärer Schoul garantéiert
–> hei gëtt et weider Informatiounen an hei kënnt Dir Iech och direkt umelden:
http://www.formation-continue.lu/descriptionformation?idFormation=13608″>http://www.formation-continue.lu/descriptionformation?idFormation=13608″ class=”moz-txt-link-freetext”>http://www.formation-continue.lu/descriptionformation?idFormation=13608

http://www.formation-continue.lu/descriptionformation?idFormation=13609″>http://www.formation-continue.lu/descriptionformation?idFormation=13609″ class=”moz-txt-link-freetext”>http://www.formation-continue.lu/descriptionformation?idFormation=13609

http://www.formation-continue.lu/descriptionformation?idFormation=13610″>http://www.formation-continue.lu/descriptionformation?idFormation=13610″ class=”moz-txt-link-freetext”>http://www.formation-continue.lu/descriptionformation?idFormation=13610

http://www.formation-continue.lu/descriptionformation?idFormation=13611″>http://www.formation-continue.lu/descriptionformation?idFormation=13611″ class=”moz-txt-link-freetext”>http://www.formation-continue.lu/descriptionformation?idFormation=13611

“Neit Féiwer”, d’Revue 2014 vum Lëtzebuerger Theater

Friday, March 14th, 2014

Zanter 2006 ass et fir mech scho bal eng Traditioun ginn: ech schreiwen een oder zwee Texter fir d’Revue. An och dëst Joer ass nees dien een oder aneren Text vu mir an der Revue 2014 ze gesinn. Den Titel fannen ech dëst Joer nawell extragutt geroden. Première ass den 8.4.2014.
Hei gitt Dir méi gewuer.

“Eng Nuecht am Supermarché” - dat neit “Stéck vum Joer” vun der Theaterschoul

Monday, January 13th, 2014

“Eng Nuecht am Supermarché” heescht dat neit “Stéck vum Joer” dat mir den Owend zu Walfer virstellen. De Sënn an den Zweck vum “Stéck vum Joer” ass, datt d’Schoulen zesummeschaffen, en Netzwierk bilden, déi eng dier anerer hëlleft, an datt esou ee komplett neit Stéck fir déi éischte Kéier de Wee op d’Bühn fënd.

Em wat geet et:

An engem Supermarché soll de Rayon vum Uebst a Geméis verklengeert ginn, an de Rayon vun de Séissegkeeten an den déifgefruerene Produkter vergréissert. Déi verkafen sech einfach besser. Doriwwer freeën sech d’Kornischong, den Apel, d’Bir an d’Orange natierlech guer net, a si kënnechen de Séissegkeeten de Krich un.

An diem ganze Duercheree fannen sech iewer elo dat séisst klengt Äerdbir an die léiwe faarwege Gummibäerchen. “Du bass esou séiss, ech kënnt an dech bäissen!” - Sollen si zwee d’Gemidder berouegt kréien, a wéi eng Roll spillt die sténkege Kéis an dier ganzer Affair? E Stéck iwwer d’gesond Iessen, mee net nëmmen doriwwer!

theaterschoul.lu