Dëst ass déi lescht Woch wou de “Schwaarze Péiter” mat de Sténkdéieren zu Miersch am Nationale Literaturzenter (Maison Servais) op Besuch ass. Déi nächst Woch plënnere mir an d’Kulturhaus. Mir spillen dës Woch e Mëttwoch, en Donneschdeg, e Freideg an e Samschdeg.
Ech hat gëschter extra mäi schwaarzt Gezäi ugedoen fir den Optrëtt am “20 vir” als “Schwaarze Péiter. Alles huet gutt geklappt, dat wat wichteg war, kruet ech gesot a fir all déi, déi net konnte kucken an trotzdem wëlle virwëtzen, …
Wéi ech mech elo just op d’Emissioun “20 vir” den Owend beim Dan Spogen virbereet hunn, sinn ech op eng Kritik gestouss, déi d’Christiane Kremer virun zimlech genee zwee Joer zu eisem deemolege Programm “Vir bäi an hanne widder” um Radio gemaach hat. Se war esou eng gutt, datt mir all d’Tréinen an den Aen haten an zerguddst houfreg waren.
Hei kënnt Dir d’Kritik vum Christiane Kremer lauschteren.
Hei gëtt et Plazen fir de neie Programm; maacht Iech bäi, et gëtt eng!
“Gläich e puermol de schwaarze Péiter an de Grapp gedréckt” heescht e flotten Artikel, dien haut op der Säit 19 am Lëtzebuerger “Wort” ze liesen ass. Leider hunn ech e net online fond - firwat eigentlech net(?), hunn ech net gutt gekuckt(???) - dofir hunn ech Iech e gescannt. Et ass eng gutt Kritik a mir si richteg houfreg op eise Programm!
Wann dir och wëllt nom Artikel sichen, da kënnt dir hei klicken…
Wann Dir den Artikel wëllt liesen, da klickt w.e.gl. hei!
E Méindeg (14.11) ginn ech op d’Tëlé an den “20vir” a schwätzen iwwer de “Schwaarze-Péiter”-Programm an dier Emissioun mam Dan Spogen. “20 Minutten Talk, Biller, Gadgeten, funny News, mat exklusiven Invitéën, Spaass a gudde Momenter”, schreift den RTL. Zielen ech dann elo zu de “funny News” oder éischter zu de “Gadgeten”? Hmm, dat wësse mir eréischt e Méindeg. Sinn iewer e bëssen opgereecht…
Esou wéi vill Lëtzebuerger war ech d’lescht Woch op der Belscher Plage an hunn dem Serge Tonnar säi Lidd op de Lëpse gehat. Dobei hunn ech mech drun erënnert, datt ech fir de “Kabaret Sténkdéier” och eng Kéier en Text iwwer d’Belsch Plage geschriwwen hat. Wéi ech nees doheem war, hunn ech nogesicht an et eremfond. Et war fir den 1997er Programm “Perpetuum mobile” an et fënd een et och an eiser éischter Anthologie “Modern Welt”.
Et geet esou:
“Mat eisem Polski-Fiat si mir op Blankenberge gefuer - dacks sinn d’Bremse net méi gaang an den Ueleg gung net duer - An an dem Hotel huet et dann no Kéiskrokette gefacht - d’Mier war gro an den Himmel och an d’Wellen déi hu gekacht - A wat hu mir Buerge gebaut - et huet een sengen Ae net getraut…”
E Mëttwoch de Mëtteg um 14.00 Auer sinn ech op RTL - Radio fir eise “Schwaarze Péiter”-Programm virzestellen. Mir sinn elo nach zwou Wochen am Keller vun der Maison Servais, also dem Nationale Literaturzenter an dono nach eng Woch am Kulturhaus zu Miersch.
D`Vakanz ass eriwwer. Dës Woch spille mir um Mëttwoch, Donneschdeg, Freideg a Samschdeg. Mir gesinn eis beim “Kabaret Sténkdéier”…
Hei kënnt Dir bestellen!
Dräi mol zwou Plaze fir de “Schwaarze Péiter”-Programm kënnt Dir haut am Tageblatt wannen.
Léif Frënn vum Kabaret Sténkkdéier,
de Kabaret Sténkdéier paust déi nächst Woch.
Dono sinn nach den 9., 10., 11., 12., 16., 17., 18. an 19. November Virstellungen an der Maison Servais zu Miersch, all Kéier um 20.00 Auer.
Da plënnere mir an d’Kulturhaus: den 23., 24., 25. a 26. November spille mir ëmmer um 20.00 Auer an de 27. November schonns um 17.00 Auer.
“Méi ass et net” ass dat neit, elo schonns drëtt Buch mat diene beschten Texter aus de Programmer vun 2006 bis 2010. An der Oweskeess an op eisem Internetsite kënnt dir et kréien.
Bei Youtube fand Dir en “amuse bouche” vum aktuelle Programm.
