Roland-Meyer.lu

Et ass nees d’Zäit vun de “Walfer Bicherdeeg”. Leider kann ech dëst Joer kee Präis gewannen, ech hu keen neit Buch um Start. D’lescht Joer war dat eng flott Saach mat “Muedebëtzeg”… “Lëtzebuerger Buchpräis” an der Kategorie Literatur!

An der 2013er Ausgab vun der Walfer Anthologie ass iewer elo en Text vu mir drann, dien die schéinen Titel “Obszön” dréit. Alleng dat ass dach e Grond, sech d’Buch ze beschafen. A wéi ëmmer weist et kloer an eng Direktioun: nämlech an déi vum nächste Buch.

Nieft mengem Text gëtt et och nach Texter vum Serge Basso de March, Raoul Biltgen, Pierre Decock, Ian de Toffoli, Alexandra Fixmer, Roland Harsch, Lex Jacoby, Dennis Kirps, Rafael David Kohn, Henri Losch, Carla Lucarelli, Nathalie Ronvaux, Stéphane Ghislain Roussel, Elise Schmit, Valérie Schreiner a Luc Spada. D’Fotoe si vum Christian Aschman.

Hei gëtt et weider Infoen…

Déi nächst Statioun vu menger kabarettistescher Liesung “Zickelalarm” ass an der Staadt am Cercle Cité. Um 18.30 Auer geet et lass: 2, rue Genistre / Place d’Armes.

Hei gëtt et Informatiounen.

An hei den Trailer op Youtube.

An diene nächste Woche stinn zwou Liesungen a Schoulen um Programm:

E Freideg, den 8.11. liesen ech am Sportslycée um Cents aus dem “Décken dommen Dudu”.

E Freideg, de 15.11. liesen ech am Kader vun de Walfer Bicherdeeg zu Helmseng an der Grondschoul aus “Zu Lëtzebuerg ginn et keng Piratekapitänen”.

2004 ass et fir d’éischt erauskomm, an enger Oplo vun 1000 Exemplaren, 2008 koumen déi nächst 1000 an elo geet et an déi drëtt Oplo!

Iwwerschafft, esou wéi d’Lëtzebuerger Schoulgesetz, a mat neiem Cover kënnt dir den Dudu elo nees kréien. Et ass a bleift einfach déi Lektür fir de 4. Zickel vun der Grondschoul a fir all Septièmen.

Hei kënnt dir den Dudu bestellen.

Den Dudu op RTL

De CNL huet d’Editeuren zu Lëtzebuerg agelueden, mat hiren Auteuren en Dag vun der Literatur ze feieren. 11 Auteure liese fir Iech. All Auteur liest eng hallef Stonn aus sengem Buch a schwätzt dono während 20 Minutte mat engem Literaturkritiker doriwwer.

D’Editeure si mat de Bicher do an d’Auteure freeë sech op Äre Besuch.

Sonndës, de 7. Juli am Park vun der Maison Servais ab 14.15 Auer

Hei gëtt et weider Informatiounen

Den 10. Juli sinn ech em 20.00 Auer zu Bartréng am Festsall vun der Arca fir déi drëtt Ronn vun den “Zickelalarm-Liesungen”.

Bis elo e Risenerfolleg: Bour: 50 Persounen, ausverkaaft - Ettelbréck: 80 Persounen, ausverkaaft!

Hei kënnt dir Ausschnëtter aus “Zickelalarm” kucken

Hei kënnt dir fir Bartréng reservéieren: 621 626 132 oder www.kameidi.lu

An hei ass de Flyer

14.6.: “Den décken dommen Dudu - Mango Panda”; vun décken an dënne Kanner - fir Kanner - zu Diddeleng an der “Regionaler Bibliothéik” - 1. Liesung: 8.30 Auer / 2. Liesung: 10.00 Auer / 3. Liesung: 14.00 Auer

24.6.: “Den décken dommen Dudu - Mango Panda”; vun décken an dënne Kanner - fir Kanner - zu Miersch am Lycée Ermesinde - 14.50 Auer

7.7.: CNL-Summerfest zu Miersch an der Maison Servais / um 14.00 Auer geet et lass, ech liesen um 17.00 Auer

10.7.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - zu Bartréng an der Arca - 20.00 Auer

24.10.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - zu Woltz am Prabbeli - 20.00 Auer

3.12.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - an der Staadt am Cercle / mardis littéraires - 18.30 Auer

Et wir flott, wa mir eis eng Kéier bei enger Liesung ginge begéinen.

Hei kënnt Dir mech fir eng Liesung kontaktéieren

De Claude “Sibi” Sibenaler war mat op Bur fir ze filmen a fir Fotoen ze maachen. Merci Claude!!!

Hei, als “Appetizer”, fir déi nächst Owenter, den “Trailer”. An diene nächste Wochen kommen Extraiten aus dem Programm op Youtube. Kuckt also heiansdo hei lanscht, fir um Lafenden ze bleiwen.

Hei kënnt dir den Trailer vun Zickelalarm kucken.

PS: De Programm heescht wierklech “Zickelalarm”, an net, wéi haut am “Wort geschriwwen: “Zickenalarm”

Op Invitatioun vum “Bartrenger Kaméidi” sinn ech den 10.7. um 20.00 Auer zu Bartréng an der Arca.

Hei ass de Flyer.

Hei gëtt et weider Infoen.

Villmools merci all diene Leit, déi mech gëschter bei der Première vun Zickelalarm zu Bur un der Sauer esou wierklech gutt ënnerstëtzt hunn. Doduerch ass dien Owend fir mech zu eppes ganz Besonneschem ginn, dien ech net vergiesse wäert!

De Claude “Sibi” Sibenaler huet gefilmt, esou datt dir déi beschten Szene geschwënn op Youtube kënnt kucken. Villmools merci och him.

“Nom Spill ass virum Spill”, heescht et am Futtball, an esou huelen ech et och elo sportlech a preparéiere mech op Ettelbréck: den 23.5. geet et um 20.00 Auer an der Bibliothéik lass; den Entrée ass fräi.

Eng weider Zickelalarm-Liesung gëtt et den 10.7. zu Bartréng am Arca.

Wann dir “Zickelalarm” wëllt buchen, da kënnt dir iech hei u mech wenden.

Hei de Site vun der Ettelbrécker Bibliothéik.